Tuesday, April 27, 2010

شلون نخذلك يا الوطن


أيامنا فيها كلامٍ
.. نبطي وفصيح


أنا بكتب وانتي بترسمين

و ثالثنا بلحن
و رابعنا بمثل
و خامسنا بيبني
و سادسنا بينشر
و سابعنا بحلل
و ثامنا بخيط
و تاسعنا بدرس
و عاشرنا بعالج
و حادي عاشرنا بيطعم الفقير حتى يصير قادر على أنه يطعم نفسه
وعياله
و مثل ما الارقام ما تنتهي ترا الاشغال ماتنتهي

عزيزٍ علينا الوطن و عيال الوطن

و إن كان غيرك خذلك يالوطن ترانا نحن لك ذخرٍ
بعضه وصل و الباقي يبيله عمرٍ على عمر
إنت تعرف يا وطن إن الدنيا ما تخلى من الأفكار
لكن اللي شاح أهو حريمن ربوهن رجال و عقب ربوا رجال
حنا يالوطن مش جنود لك
حنا كلنا فرسان نعرف وين مصابك
بنعالج جروحك اللي تسيل من الخارج واللي بعدها تدمي من الداخل


يالوطن.. كثيرين تكلموا عن الوحدة
قالوا حنا عرب..
قالوا حنا مسلمين ..

حنا بس..
إنت بس..
زايد - الله يرحمه - بس أهو اللي جمع شمل عربانن عاربة و مستعربة
أهو اللي جمع شملهم من دون طلق نار ولا قطرة حمرا
عشان كذا إنت عزيز يا وطني
وشلون نخذلك يا وطني وإنت وصية زايد

0 Comments:

Post a Comment

Subscribe to Post Comments [Atom]

Links to this post:

Create a Link

<< Home